25° hiti... aftur

Jæja góðir lesendur, í dag var um 25° hiti... aftur örugglega tíunda daginn í röð, hvenær ætlar þetta að hætta eiginlega ? Við skelltum okkur niður að vatni og hittum nokkra skólafélaga hennar Bergþóru, í þeim tilgangi að lesa og læra... mestlítið gert af því er ég hræddur um, en ísinn var engu að síður góður... og það sem honum fylgdi. Hittum líka á leiðinni fyrir hina tvo nemendurna úr frönskubekknum hjá Dóra sem voru furðu lostin yfir því að við ættum vini =

Við - We are just going to meet some friends..
Þau - Wow! You have friends here ??

Já spurning að maður bjóði ungverska parinu í mat einhvern daginn, þau virðast einmanna.

Lítið hefur gerst síðan síðasta færsla var rituð, við fórum jú til Zürich í þeim tilgangi a kjósa til alþingis. Þegar í þetta fína hús á aðalgötunni var komið þar sem skjaldarmerki Íslands fyllti mann þjóðarstoltinu tók á móti okkur kona sem að píndi út úr sér einhverjum versta enska hreim sem ég hef á minni ævi þurft að pína eyrun með. Hún tjáði okkur að við þurftum að panta tíma, sjálfir íslendingarnir til að fá að kjósa ..sem væri ekki hægt fyrr en í næstu viku. Ferðin var slöpp í alla staði og til að gera illt verra þá týndi annar aðilinn í sambandinu ýmislegu smálegu til að setja rjómann ofaná marengstertuna.

Í öðrum fréttum að það að segja að heimsóknir eru velkomnar hingað til Sviss... og ber þá að minna á að verð á bjórkippu er einungis 130krónur í búðum Co-op og svo er líka .... já nei bjórinn er líklegast eina catchið.

Meira var það ekki í bili í bili, veriði sæl.

Myndablogg

Góðan Daginn góðir hlustendur og velkomnir að speglinum, leiðinlegasta útvarpsþætti á Íslandi.
Málið með Spegilinn er að hann er á vitlausum tíma, ef að maður hlustar á rás2 í svona 2 klukkutíma undan Speglinum þá heyrir maður Fréttir, Síðdegisútvarpið sem að fjallar um fréttirnar og svo aftur fréttir og það ítarlegar með veðri og íþróttum og svo kemur Spegillinn og fjallar um þetta allt aftur, nema íþróttirnar og enginn nennir að hlusta, eða hvað ?

Að mínu mati er Sviss næst fallegast land í heimi núna. Ég skellti mér í göngutúr sem að varð í lengri kantinum, svo löngum kanti að lappirnar á mér bólgnuðu upp og ég lít út eins og ég sé bara með læri alveg niður að ökklum og þá tekur ekkert skárra við. Ætla mér að skella nokkrum ljósmyndum af ferð minni um nágrenni Neuchâtel hér fyrir neðan, veðrið var gott 25° hiti og eitt til tvö ský á lofti. Látum myndirnar tala sínu máli.

Ef vel er að gáð má sjá eðlu þarna, fyrir neðan fífilinn

Engin eðla á þessari, en líklega býr Heidi þarna með afa sínum

Húsið sem Begga fær í útskriftargjöf



Mynd yfir Neuchâtel og af vatninu og fjöllunum


Svona sirka 2km fyrir utan borgina okkar, svakafín alveg, hef ákveðið að kalla tréð sem neitar að blómstra nornatréð.



Flestir myndu þá halda að þetta væru þá nornatrésungar, en það er nú aldeilis ekki því á þessum sprekum vaxa vínberin sem að þeir nota í Neuchâtel Pinot Noir vínin, jafnframt var þetta fróðleiksmoli dagsins börnin góð.



Þessi skvísa tók góða pósu fyrir mig
Sett lokið á krúsina með mynd af einni skemmtilegustu fuglahræðu sem að ég hef séð.
Takk fyrir og vonandi nutuð þið myndanna.

Kæra Dagbók.

Jæja, þá er það ákveðið. Ég, Bigg og kannski Gúst ætlum að skella okkur á Rock Am Ring í Þýskalandi til að berja nokkur goð eins og Scissor Sisters, Papa Roach og Linkin' Park augum, nei ertu ekki að djóka ? Jú auðvitað er ég að djóka láttu ekki eins þú sért nýsloppinn útúr fjölskylduboði. En þrátt fyrir að vissulega verði þessi bönd þarna verður annað betra á boðstólnum. Ef einhver vill koma með þá má sá hinn sami koma með.

Hér í Sviss er orðið frekar heitt 15-20° og sól á lofti og alltílagi með það. Var nýverið spurður hvort það væri ekki fínt að vera í Evrópu og hvort ég væri ekki byrjaður að drekka rauðvín og étandi baguette brauð undir tré niður við vatn. Verð nú að segja að þó maður búi í Evrópu þýðir það ekki að maður eigi að borða baguette brauð og drekka léttvín hvað þá niður við vatn undir einhverju tré hugsandi um lífið og tilveruna. Enginn maður sem ég þekki hefur þolinmæði um að hugsa um lífið undir einhverju tré með baguette í annari og léttvínsflösku í hinni. Hinsvegar væri kannski möguleiki á einnota grilli og bjór en ekki undir tré og ekki hugsandi um lífið og mannlífsandann. Þann sem langar þetta hlýtur að lifa í draumaheimi.

Það sem hinsvegar er Evróspkt eru þröngar verslunargötur þar sem að tónlistarmenn spreyta sig á hverju horni, sumt af því er alveg virkilega flott og var ein slík sveit að spila niðrí bæ um helgina, gott ef ekki búin að fá sér smá gras í gufuformi. Þau voru fimm með harmoniku, trompet, trommur, gítar og einhvern skrítinn lúður, alveg virkilega töff. En til þess að njóta þess þurfti ég ekki glas af léttvíni samt...

jæja nú er nóg komið bæ.

Páskar !!!

Dagurinn í dag er búinn að vera rosalega fínn, hiti og mjög gott veður.
Skelli hér inn nokkrum myndum frá deginum.














Hér erum við Amina, vinkona mín frá Svíþjóð.




Hér er dóri byrjaður að elda páska kjúklinginn. Hann var settur inn fyrir klukkutíma og er áætlaður tími í þessum dýrindisofn tveir tímar.

Annars óskum við ykkur Gleðilegra Páska !!!

kveðja frá Sviss, Bergþóra og Dóri

Línuskautar :)

Eins og dóri sagði frá í síðustu færslu þá skelltum við okkur á skautana í gær. Það var eins og ég hefði ekki gert annað um ævina en að vera á svona línuskautunm og dóri ekki síðri ;)
Hér er svo ein mynd af dóra taka einn léttan snúning uppá vegriðinu... :D

... ef þið eruð ekki búin að lesa færsluna hjá dóra hér fyrir neðan þá er það algjört möst !
kv. Bergþóra

Ég var nú bara að suða hafragraut.

Og ekki bara hafragraut heldur er hann með banönum og kanil. Hann er nett góður og ótrúlega einfaldur. En nóg um hafragrautinn, lítið markvert hefur gerst síðan að seinasta færsla var rituð.
Dóri er byrjaður í frönskuskóla og er í líkamsræktarstöð hér rétt hjá þar sem allir tala bara frön sku og hann kinkar bara kolli og gerir allar æfingar vitlaust, og skýrir það líklegast verkinn sem að skýst upp frá hnéskel með fram bakinu og endar í öxlunum. En allavega.. í gær fórum við út að borða á kínastaðinn sem við rituðum um hérna seinast það vorum við amina og 4 aðrir krakkar úr skólanum, öll frá Asíu. Maturinn var góður og þjónustan góð og í desert fengu allir að halda á kínabarni konunnar sem rekur staðinn, því allt annað starfsfólk var farið og hún gat hvergi sett frá sér kínabarnið á meðan hún gerði upp reikninginn. Ef þetta er ekki eins og klippt úr simpsons þætti þá veit ég ekki hvað. Í gær fórum við líka á línuskauta en tölum ekki meira um það.

Matarbúðir í Sviss eru skrítnar á suman hátt, en betri á flestan hátt. Engin búð í Sviss virðist selja matarlit né sósulit, flestar selja kippu af bjór á um 500 krónur og um daginn voru 24stk á tilboði á um 1100krónur sem að samsvarar einum sixpakkara á Íslandi. Hérna er líka hægt að kaupa 24 1/2 líters kók á 1100 krónur, ekki slæmt það fyrir þá sem drekkar kók .. :/ . En núðlupakki eins og kostar 8 krónur í bónus kostar minnst 55krónur hér sem verður að teljast hneisa.

En hver man ekki eftir fyrsta blogginu þar sem sögð var reynslusaga af hárgreiðslunni minni. Jæja nú verð ég var að éta orð mín því ég var á undan goðinu David Beckham með hárgreiðsluna, David vinur minn virðist þó hafa tekið "hnoðrann" á næsta level með því að hafa toppinn eilítið síðari og greiða hann snyrtilega á ská. Annars er það að frétta að hnoðranum á mér að hann vex mjög ójafnt og er farinn að minna á einskonar svepp í laginu. Mynd af Beckham með hnoðrann má sjá hérna.

Annars er lítið að frétta, það var farið út á föstudagskvöldið bara léttur vodka redbull stemmari og svo gisti Amína í gærnótt og hefur myndast hefð fyrir SunnudagsvídeókvöldiþarsemAminagistir. Það var horft á Dream Girls ég (dóri) sofnaði eftir svona 10min og veit þessvegna ekki mikið um þessa mynd en hún hefur fengið væna dóma.
Páskarnir eru enn óplaniðir að mestu og ég stofnaði myspace síðu sem er http://www.myspace.com/chefdori þar sem lesendur geta átt góðar stundir.

Það verður ekki bloggað aftur fyrr en eftir minnst 10 skemmtileg comment,
ég þakka áheyrnina,
verið þið sæl.

Enchanté mademoiselle

Nú sit ég yfir tortillu fylltri með kókoskjúlla með mangó sem eru afgangar kvöldmatsins í fyrrakvöld sem ég reif svona skemmtilega niður í tortilluna. Ég nú að segja að kókosinn nýtur sín betur eftir að hafa fengið að hugsa sinn gang í kælinum í þennan tíma. Minnir mig dálítið á Mexíkó þegar að ég og Ágúst náðum okkur í kókoshnetu upp í tré niðrá strönd þar, en það vildi ekki betur til að kókoshnetan strauk hausinn á ágústi þegar ég dúndraði henni niður með þeim afleiðingum að hann sleppti takinu á mér í hláturskasti og ég hékk í pálmatrénu og seig niður og var allur vel rispaður. Það voru tímarnir. Á myndinni á sjá þegar að Ágúst sleppir á mer takinu, kókoshnetan er í jörðinni.

En nú yfir í allt aðrar aríur og tökum við nú þráðinn upp það sem frá var horfið. Á föstudaginn seinasta leigðum við okkur bíl vegna fyrihugaðrar ferðar í fyrirheitna landið (IKEA) daginn eftir. Á föstudagskvöldið keyrðum við með vinum okkar tveim, Aminu frá svíþjóð og Kristjáni frá íslandi í leit af vetingastað. Við fórum útúr bænum og fundum lítið þorð sem við stönsuðum í og ætluðum að borða. Þegar við fórum inná veitingastaðinn tók við okkur þessi líka ljúflings brunalykt en við létum það ekki á okkur fá, en snérum við á punktinum þegar að við okkur tók geltandi hundur. Þeir strompreykja ekki bara heldur geyma þeir hundana sína frammi. Þá ókum við til nágrannabæjarins Cheux-de-fonds og borðuðum þar og áttum ágætis kvöld.

Á laugardaginn var svo haldið í IKEA með Aminu sem fararstjóra enda sænsk. Í IKEA hittum við íslendinga sem eru að vinna í Sviss og karlinn var frá hornafirði og þekkti Bergþóru og alla hennar fjölskyldu, lítill heimur maður, góður draumur maður. Í IKEA keyptum við okkur sófaborð og sófa og einhverja kolla og sænskar kjötbollur að borða. Svo var haldið frá Aubonne, bænum sem IKEA er í til Genf þar sem að Kristján var að hitta Helgu, Leslie og Eddie vini sína úr skólanum sem eru að klára vinnustaðanámið í sambandi við skólann þar. Við hittum þau og spjölluðum og virtust vera rosalega fín öllsömul, þá var haldið heim á leið um 7 leitið og farið á Kínverskan veitingastað í Neuchatel sem var eins og klipptur úr simpson þætti. Þjónustufólkið var með ungabarn á arminum meðan það þjónaði og henti því síðan bara bakvið þangað til greyið fór að gráta aftur. Magnað það og góður matur. Svo var ákveðið að fara aðeins út á lífið og kom þá í ljós að það var St. Patricks Day og þá var glatt á hjalla og á pubnum sem við vorum á voru írar að spila á gítar og syngja svona írsk þjóðlög. Ansi gaman að því.

Daginn eftir fórum við tvö svo bara í bíltúr um sveitavegina hérna og enduðum í Bern sem er í þýska hlutanum þar sem töluð er svokölluð schweize-deutsch sem er þó skiljanlegri en blessuð franskan. í ferðinni sáum við svissneskar beljur sem eru forvitin en heimsk dýr. Svo var bílnum skilað með tárum um kvöldið og Amina gisti og horfði á video með okkur.

Jæja þá er þessi langloka á enda. Vikudagarnir hafa liðið frekar fljótt og gengið venjulega fyrir sig. Erum að pæla hvað við eigum að gera um páskahelgina, tökum líklegast lest eitthvað, seinast var það milano þar sem við sáum Inter- AC Milan, það var góð ferð og erum jafnvel að pæla að fara til München þessa páskana, hvur veit.