Leitin að strompinum - mynda megapóst

Á föstudaginn fórum við í sundlaugina. Það var 25-28° og voða fínt, ekki of mikið að fólki. Í sundlauginni sá ég strák með 2 nafla. Rétt hjá okkur sátu 4 svona sirka ellefu ára strákar, rosalega svalir ákváðu þeir að draga upp sígarettu og láta hana ganga.. þeir urðu ekki svo svalir lengur og hóstuðu í kór, frekar vandræðalegir. Fórum í búð og keyptum það alra nauðsynlegasta bjór, vatn og nammi.

Á sunnudaginn er von á Gústa og Bigga í heimsókn, auðvitað er spáð rigningu ALLANN tímann sem að þeir eru hér í Sviss hvað annað, en við höldum svo til Póllands og Þýskalands þar sem við ætlum á Rock Am Ring hátíðina til að berja nokkur goð augum. Ef að við förum til Póllands þá er það sjötta landið sem að ég trampa á í þessari ferð(London, Sviss, Milan, Prague, Þýskaland, Pólland). Vona líka til að geta kíkt yfir til Frakklands áður en að ég fer heim á leið.

Á Fimmtudaginn skellti ég mér í göngutúr. Betur þekktann sem bloggmyndagöngutúr. Tók lest í bæ sem hét Auvernier, stóran "bæ" að ég hélt, en þá var það bara svona eins og nesin heima nema stærri og 6 mínótna lestarferð staðreynd, hræódýrt en frekar mikill óþarfi kannski. Anywho... Þá rölti ég um þann bæ sem er umlukinn vínekrum og rölti síðan 7km að næsta bæ sem var heldur stærri , einnig umlukinn vínviði. Sá margt mismerkilegt en uppsprettan af gönguferðinni var sú að þegar við vorum að koma heim frá flugvellinum í Genf eftir ferðina til Prag þá sá ég svona stromphnulla sem að mig langaði til að virða betur fyrir mér. Meira um það með myndunum sem fylgja færslunni.

Strompurinn er þarna til hægri á myndinni.

í Auvernier : Partur af vínekru og "Château" eins og það kallast en þar undir er oftast vínkjallari en flest svona stunda ekki vínframleiðslu lengur heldur selja berin til stærri framleiðanda, líklegt er þó að þeir haldi nokkrum knyppum eftir handa sjálfum sér en myndarlegasta hús samt sem áður.

Skemmtilegur skúlptúr af því sem virðist vera kisa.

Vatnsbrunnur frá 1755 eins og flest húsin í Auvernier. Þangað náði fólk sér í vatn áður en það var leitt í húsin, fróðleiksmoli dagsins börnin góð.

Áfram hélt ég göngu minni og yfirgaf Auvernier með sorg í hjarta en sá á þessari mynd fangaði ég augnablik þar sem sjá má nútímann(lestina) og fortíðina(Gamla húsið) horfast í augu við hvort annað og fella tár.

Áfram hélt gangan í gegnum skóglendi og eftir smástund fann ég mestu ólykt sem að ég hef fundið og bjóst alveg eins við að finna eitthvað dautt á næstu grösum, ástæðan kom þó fljótt í ljós, strompurinn var sorpbrennslustöð og lyktaði einnig sem slík.

Ég rölti úr ólyktinni og inní Boudry frekar stór bær og gamaldags með nokkrum kastölum.

Undir þessum er rosalega stór vínkjallari sem að er lokaður alemnningi þangað til 1. Júní og geri ég mér líklegast ferð um hann, en ég fékk þó leyfi til að rölta eins og ég vildi um vínekruna sjálfa sem að má oftast ekki og rölti yfir í aðalbæ Boudry sem má sjá fyrir aftan kastalann.

Hér má sjá útsýnið af vínekrunni og yfir Boudry og eins og sjá má fer vínekran eiginlega inní bæinn en Svissararnir nýta hvern einasta cm í þetta í sveitunum og er oft fyndið að sjá hversu mikið þeir nýta landið. Fyrir ofan staurinn á miðri myndinni má sjá turninn á kastalanum þar sem ég sast og át nestið mitt, einnig er næsta mynd tekin þar.

Þetta er sumsé tekið af hæðinni á móti. Vatnið sem ég sé af svölunum heima hjá mér sést þarna fyrir miðri mynd. Konan sem situr á bekknum heitir Jaquilene, hún kemur hingað á hverjum degi til að minnast stundarinnar og staðsins sem að fyrrverandi maðurinn hennar bað hennar áður en hann var kvaddur í herinn þar sem hann síðan lést í seinni heimstyrjöldinni. Ástina fann hún ekki aftur. En hún hefur þó alltaf bekkinn sem hann bað hennar á.

Takk fyrir að skoða, öll skemmtileg comments vel þegin. Minni líka á Pragfærsluna hér fyrir neðan, hef verið í bloggstöði undanfarið.

Fullnæging blogglestrarmannsins

Margir hafa eflaust beðið sveittir á refresh takkanum og, eins og lofað var kemur færsla frá helginni í Prag. Fórum á föstudegi, lentum heima aftur á mánudegi.

Vaknað var kl 05:15 á föstudagsmorgni og sett á sig andlitið eins og við strákarnir orðum það. Ekkert markvert gerðist á milli þess að ég vaknaði og lenti í Prag þannig ég ætla ekki að lengja bloggið með setningum eins og "sátum og drukkum íste með sítrónubragði meðan við biðum eftir að fá að tékka okkur inn"

Ferðasaga stráks sem dreginn var (grátandi) í stelpuferð til Prag

1. Kapituli - Föstudagur

Þegar lent var í Prag var byrjað á því að finna taxa til að fara niður í bæ til að finna Hostelið sem ég og Bergþóra gistum á, c.a 17km leið. Svíarnir stigu hinsvegar ekki í vitið frekar en fyrri daginn og pöntuðu þær sér hótel um 20min leið frá miðbænum því það var "svo ódýrt" en ekki eftir allar leigubílaferðirnar og tramferðirnar þeirra. Draslinu hent uppá herbergi og drifið sig útí sólina og fyrsti bjórinn keyptur. Svo var rölt um verslunargöturnar áður en að þær tóku sitt hafurtask og fóru á sitt hostel og tékkuðu sig inn. Hittumst svo seinna um kvöldið og fórum út á kráarrölt og lentum meðal annars á Cayote bar eins og úr einhverri bíómynd þar sem barstelpurnar tóku sporið á barborðinu, skemmtilegt nokk. Mojito á tilboði og þá þarf ekki mikið meira til að gleðja mann.

2. Kapituli - Laugardagur

Daginn eftir var vaknað um 10 og drifið sig í verslunarleiðangur og skoðunarferð um borgina, geypilega falleg borg og nýta tékkarnir sér túristana vel, efast um að verð á mörgu þarna hafi verið svona hátt fyrir 5-10 árum, þar sem að föt og merkjavörur eru ódýrari hér í Sviss sem þykir frekar dýrt land. Anywho mikið keypt og nokkrir orkubjórar drukknir. Horft á FA Cup og þarf ekki að tala meira um það. Hittum stelpurnar kl 7 útaf þeim finnst gott að sofa. Amina vildi fara á einhvern "Fish Restaurant" sem hún hafði séð í gær og þegar að sænsk stelpa vill fara eitthvað - þá er farið þangað og ekkert helvítis múður. Til að gera langa sögu stutta var þetta næstómerkilegasti veitingastaður sem ég hef farið á og átti ekkert skylt við Fisk. Síðan var aftur farið útá lífið á laugardagskvöldið, sáum bardansstelpurnar aftur því sænska stelpan vildi það (minni á endann á línu 8 og byrjunina á 9), fórum á einhvern local pöbb og á Bombay bar sem var sta-út föllur af túristum og sá maður nú hálfa flugvélina frá Sviss þarna inni. Fékk mér svaka bjúgudrjóla ú brauði og Bergþóra fékk sér ost í brauði, very nice. Farið heim í Koju.

3. Kapituli - Sunnudagur

Vorum löt og fórum ekki út fyrr en um hádegisbilið þar sem stlpurnar ætluðu að hitta okkur - komu ekki - no surprises. Gerðumst "Pro Tourists" og fórum í svona open tour bus og fengum heyrnartól þarsem rödd guidaði okkur í gegnum borgina og skoðuðum kastala það var ágætt og um að gera að skoða prag eitthvað. Keyptum fullt af fallega ljótum styttum "saman" sem þýðir að Begga ætlar að hirða þær en ég að borga fyrir þær. Áttum góðan dag saman í Prag og hittum síðan stelpurnar og borðuðum á T.G.I Fridays og ég fitnaði um 1kg en ég hafði sett mér það markmið að fitna um 12 kíló á meðan á Svissdvöl minni stendur. Fórum á djassklúbb sem var geggjað, inní helli og besti bjórinn sem ég hafði fengið í þessari ferð. Fórum á smá rölt og enduðum í hostelkojufylleríi og ég með kúlu á hausnum.....

4. Kapituli - Mánudagur

Vöknuðum snemma, böðuðum okkur, settum á okkur andlitið, pökkuðum niður og þá komu stelpurnar. Báðum reception stelpuna að hringja á taxa sem hún og gerði. Þegar við spurðum hvort að taxinn væri AAA sem er eina sem hægt er að treysta þá tjáði ún okkur það að þetta væri eiginlega ekki Taxi heldur maður sem að myndi skuta túristum. Það var ennþá hálftími í leigubílinn þannig að við skelltum okkur í Tesco sem er matvörubúð. Bjórinn er á 30kr og Twix/Mars á 25kr minnir mig og kjöt, brauð og annað er 10x ódýrara en á Íslandi. Þegar við komum beið okkar þessi fagri VW Passat og við ætluðum að fara í hann en þá var þetta ekki okkar bíll, jæja. 10 min seinna kemur drossían Volvo '72 með tilheyrandi ryðblettum og slíku. Gaurinn sjálfur í samræmi við bílinn og þegar hann var kominn á smá ferð þurfti að halda hanskahólfinu lokuðu þannið hann svona teygði sig yfir í framsætið til mín, hélt hanskahólfinu lokuðu og keyrði bílinn. Á leiðinni reyndi hann að þrusa útúr sér einhverri ensku sem allavega ég skildi varla orð í, náði þó "very pretty" "dancing house" "nice bridge view" og megið þið reyna að fylla í eyðurnar. Góð ferð í nær alla staði og alltaf gaman að sjá nýja borg, læt nokkrar myndir fylgja.

Blúskjallarinn, magnaður staður þar sem þeir skiptust á að taka tryllinginn

Amina og Johanna að hjægja að enn einum brandaranum mínum

Mynd af Prag séð af hæð sem við fórum á í skoðunarbusinum

Á Cayote barnum þar sem var tilboð á Mojito

Ég, undirhakan og einhver brú.

Fyrsti Prag bjórinn rann ljúft niður

Göngutúr

Skellti mér í stuttann göngutúr í bænum áðan, hér kemur sagan af því:
Ég byrjaði á að labba niður öll 100 þrepin frá íbúðinni og kveið strax fyrir að þurfa að labba upp þær aftur, ekki að maður hafi ekki gott að því það er bara hundleiðinlegt. Um leið og ég kem að Strætóstoppustöðinni þá kemur strætóinn, ekki oft sem að það gerist. Þegar ég kom niður í bæ og eftir örstutta göngu blasti við mér skemmtileg sjón : 2 lesbíur voru að labba með "lögregluhundurinn rex" hund og héldust þær í hendur sem er kannski ekki frásögu færandi, NEMA hvað að sú sem er með hundinn í beislinu ræður ekkert við hundsgreyið og sveiflast þær í allar áttir sem að hundurinn vill og sleppa aldrei takinu á hvor annari, magnað. Þess má geta að hárið á þeim var litað annars vegar blátt og hinsvegar rautt sem gerði þetta ennþá fyndnara.

Þegar ég hafði gengið um bæinn í sirka 10min þá ákvað ég að taka strætó uppá lestarstöð til að kaupa í matinn því í dag er allt lokað nema á æestarstöðinni útaf public holiday.... Anywho, þear ég er að bíða eftir strætó þá sé ég að 2 stelpur eru eitthvað að rífast og slá svona aðeins í hvor aðra. Það er kannski ekkert óeðlilegt nema að þegar ég tók ípodinn úr eyrunum (á þessu augnabliku löbbuðu 2 dvergar framhjá) sá ég að þær voru heyrnarlausar og eftir að hafa hrint hvor annari í smástund byrjuðu þær að rífast á táknmáli þangað til ein fór að gráta, hún grét alla leiðina uppá lestarstöð en reyndar var einhver fullorðin kona sem að huggaði hana á táknmáli.

Eftir að hafa keypt í matinn og komið mér aftur niður í bæ þá hélt ég að ég sæji nú ekki meira markvert þennan göngutúrinn. En annað kom á daginn þegar að frekar feitur og ófríður maður kom á stoppistöðina með frekar myndarlega konu á sama aldri með sér. Ég sá nú fljótt að þau voru eitthvað ekki sátt og hann angaði skemmtilega af vínlykt. Þegar þau settust í strætóinn þá langaði mig strax til að vita hvort að þau gætu sitið hlið við vlið enda hann í stærri kantinum. Hún var þá svo snjöll og hú settist í sæti við ganginn og setti veskið sitt í gluggasætið og hann settist í gangsætið við hliðina. Eftir eina mínótu þá skipti hún við veskið sitt og þá tók hann veskið upp og ætlaði að setjast við hliðina á konunni sinni en hún sló hann bara utanundir takk kærlega svo að allir í strætónum heyrðu og meirað segja hundurinn í strætónum hætti að leika sér að boltanum sínum. Það má ýmsan lærdóm draga að þessari sögu.

Annars er það í fréttum að eftir sirka 12klst leggjum við af stað til Prag þar sem helginni verður eitt með tveimur skólafélugum hennar Bergþóru, sænskir djöflar, Amina og Johanna. Án efa koma myndir af þeirri reisu hingað inn. Annars er lítið að gerast þessa dagana það er ekki lengur 25°hiti úti alla dagana og í dag er rigningarúði með köflum af allmikilli rigningu, kjúlli í ofninum og ég á eftir að gera núðlur og eitthvað gumms með, þangað til næst !

Varúð, hálfur lítri af kók og smá nammi til að lifa þessa langloku af.

Jæja þá er komin rigning.. finally!! Það er bara þreytandi að hafa alltaf 25° hita, nema hjá Siggu Helgu....

Á sunnudaginn fyrir viku skellti ég mér á Bob Dylan tónleika í Zürich. Ferðin á tónleikana tók óvæntan twist þegar að lestarvörðurinn tilkynnti mér að ég væri alls ekki á leið til Zürich heldur til Basel. Þegar maður er 2 min of seinn á lestarsporið í Sviss þá getur greinilega verið komin önnur lest þangað en anywho.. óþarfi að fara meira ofaní sauaman á því, það er allt Siggu Helgu að kenna.
Dylaninn brást mér ekki frekar en fyrri daginn hann tók nokkra slagara í bland við lög af nýjasta disknum sínum. Dylan er líka búinn að breyta sínum eigin lögum... hann syngur ekki "hittarana" sína eins og hann gerði, hvort það sé útaf því að röddin á honum hefur breyst eða að hann vilji ekki syngja þau eins og fávitarnir sem eru að covera þau veit ég ekki. Gott dæmi um það er eitthvað fíbbl sem fær auðvitað spilun á bylgjunni sem coverar The times they are a-changin, kannski fínt fyrir bylgjumömmurnar.... en þvílík hörmung to say the least.

Næstu tveir dagar voru síðan langir því á mánudagsmorguninn hringdi félagi minn hjá UEFA í mig og sagði mér að miðarnir okkar á San Siro á AC Milan - Man Utd. hefðu týnst í póstinum og hefðu verið sendir aftur til hans... En til að gera langan inngang á sögunni stuttann þá komu miðarnir kl 7 um morguninn daginn eftir og hefur mig aldrei áður langað til að knúsa frönskumælandi mann sem að vekur mig á þeim tíma dagsins. Þá var pantaður bílaleigubíll og gerðar frekari ráðstafanir. Á miðvikudeginum lögðum við síðan í hann til Milano kl 8 um morguninn á Alfa Romeo bifreiðinni, minnsta sem hægt var að gera var að fá ítalskann bíl. Þegar við komum til Milanó fórum við til íslensku ræðiskonunnar og kusum fyrir alþingiskosningarnar heima, konan þar, Olga Clausen kannaðist rosamikið við okkur en maður gat svosum ekki sagt það sama því miður. Síðan var haldið á San Siro og var búið að vara stuðningsmenn United við að Roma stuðningsmenn myndi koma til Milan til að vera með vesen en þeir voru frekar sárir eftir að United vann þá 7-1 fyrr á þessu tímabili. Svaka stemning var á leiknum strax 1 og 1/2 tíma fyrir leik og þvílík læti og stemning á San Siro þegar að leikurinn byrjaði aldrei hef ég upplifað svona stemningu ekki einu sinni á AC Milan - Inter Milan fyrir ári síðan. Það var greinilegt að þessi stuðningur hafði áhrif á Milan.. Munurinn á þessu og Old Trafford er sá að þarna var ekki helmingurinn Japanir með myndavélar sem sitja á rassgatinu allan tímann, þarna sungu, dönsuðu og blístruðu konur, menn og börn og gat maður nú ekki annað en dáðst að þeim. Leikurinn endaði 3-0 fyrir AC og hefðu þeir getað unnið stærra, þvímiður. Ég fer nú ekki svo langt að kenna Siggu Helgu um það líka en ... einhver verður að taka á sig sökina. Leiðin heim var vægast sagt "löng" Komumst loksins almennilega af stað um 1 leitið í smá rigningu og miklu myrkri og þeir eru ekkert að lýsa upp vegina blessaðir og oftast einhver umferð þannig að háu ljósin fóru fyrir lítið. Við komum svo heim um kl 05:30 og þá fór ég aðeins að leggja mig en Begga lærði undir próf sem hún fór í kl 8 í morguninn búin að vaka í 24tíma, gaman að sjá hvað kemur útúr því :) Einnota myndavél var með í för og læt ég framkalla á disk og set hér inn við tækifæri.

Á fimmtudaginn komu líka Ungverjarnir sem eru með mér í fönskuskólanum í mat, þau eru ágæt hún talaði bara ensku meðan að hann var á klósettinu, þorði því ekki fyrir framan hann. Ég bjó til Lasagna sem að var skítfínt. Við vorum einstaklega "vel" út sofin á fimmtudeginum og vorum eiginlega hálffegin þegar þau fór kl 21:45, hroturnar voru byrjaðar 21:52.

Í gærkvöldi var eðeins farið á barinn en ekki svo mikið.. klukkan er núna 10:47 og var planið að fara í verslunarmiðtöð í bryggjuhverfinu hérna í Neuchâtel, svo væri ekki verra að horfa á Man Utd taka Man Shitty og nánast tryggja titilinn, svona eftir vonbrigðin í Milano.

Svo fer að styttast í Biggann og Gústann í heimsókn. Vona að Liverpool vinni ekki meistaradeildina þá fær Gústi helst ekki að koma en hann er reyndar litlu betri þegar að Liverpool tapar, en hann ætti nú að vera farinn að vera vanur því, alltaf gaman að skjóta á Liverpool.

Það er eflaust hægt að blogga mikið meira en ef einhver hélt svona langt út án þess að tjalda og leggja sig má sá hinn sami jafnvel sú hin sama vera stolt af sér.

Jæja nóg í bili segi ég.